حبة فضفضة

مشكلة كبيرة

لما تبقى لسه خارج من علاقة - عاطفية تحديدا -ويكون ده الى حد ما غصب عنك

يعنى انت مش حاسس انك ليك ايد فى ده

وده اكيد مخليك عندك شعور بالذنب والملل اللى مخلينك كاره الحياه

بس بحبة تفكير صغيرين

من 5 - 10 سم

بتحاول تعمل حاجات جديدة فى حياتك علشان تكون احسن

على الأقل فى وجهه نظرك

وبتعملها برضة بنوع من اليأس فى انك تنجح فى تخطى المشكلة

وتلاقى فى الأخر وبعد كل اللى عملته

انه مفيش حل الا انك تفكر فى المشكلة نفسها

وتحاول متطلعش نفسك غلطان

اوتبرر لنفسك الغلط ده
---------------

ده يادوب حبة من اللى بيحصلى

انا قايم اقرا

هو ده الحل

----------------
حبيت افضفض
:)

فوتوغرافيا : نوبى

بقى عندى 20 سنة انهاردة ؟؟؟

انهارده تميت 20 سنة بالتمام والكمال

قعدت افكر احط ايه مش من شعرى وبيلمسنى فى المناسبة دى

ملقتش انسب من المقطع التانى فى قصيدة " سنة 20"

للمبدع وصديقى الشاعر / خليل عز الدين


بيقول


الليل ..؟

بيحلم بالمطر

- الدنيا حر-

، الناس

عشاهم الانتظار

وانت

اللي ضاقت بيك هدومك

شايل زعل

ملو الكفوف


مخنوق ..

ورعشة دمعك

-الخايف كماك-

بتهـِز فيك كل الصور

(ساعة أبوك

والعقارب

فوق جبينها معجزين

أو دعوة اُمك

وانت رايح الامتحان

، صورة حبيبتك

اللي مافرقتش جيبك

من يوميها)

الدنيا ضلمة؟

ولا انت ياللى عنيك

تماللى مغمضة

نومك تقيل؟

خلف كل قيصر يموت ... !!

إن رأيتم طفلى الذى تركته على ذراعها بلا ذراع

فعلموه الإنحناء!

علموه الإنحناء !

الله .. لم يغفر خطيئة الشيطان حين قال لا !

والودعاء الطيبون ..

هم الذين يرثون الأرض فى نهاية المدى

لأنهم .. لا يشنقون !

فعلموه الإنحناء

وليس ثمة من مفر .

لا تحلموا بعالم سعيد

فخلف كل قيصر يموت : قيصر جديد !

وخلف كل ثائر يموت : أحزان بلا جدوى ... ودمعة سدى !


امل دنقل
"من قصيدة كلمات سبارتكوس الأخيرة"

مصادفة !!!!

كانت مصادفة أَن أكون

أنا الحيّ في حادث الباصِ

حيث تأخَّرْتُ عن رحلتي المدرسيّة ْ

لأني نسيتُ الوجود وأَحواله

عندما كنت أَقرأ في الليل قصَّةَ حُبٍّ

تَقمَّصْتُ دور المؤلف فيها

ودورَ الحبيب - الضحيَّة ْ

فكنتُ شهيد الهوي في الروايةِ

والحيَّ في حادث السيرِ


من قصيدة "لاعب النرد"

لمحمود درويش

جماعة ابدأ الأدبية

بلوج جماعة ابدأ الأدبية الجديد

من هنا


هتلاقوا فيه كل حاجة تخص أخبار الجماعة

والفعاليات اللى عملتها وممكن تتواصلوا من خلاله

او من خلال جروب الفيس بوك

من هنا

الاتحاد الشوفونيري .. رؤية تاريخية 1

بعد تفحيص وتمحيص كتير

وبعد الرجوع للمراجع التاريخية المختلفة

اتضح ان الاتحاد الشوفونيري

هو أول كيان حقيقي في تاريخ الانسان

****************

دي كانت كلمات العالم الأثري والجهبز

علي علي علي الدكروري

صاحب كرسي الأستاذية في علم الأمم

بجامعة نيوأكاونت الدولية

واللي دفعتني بصراحة ني أدور على أصل الموضوع ده

ومن حبي في التاريخ بدأت رحلة البحث الشاقة

وطبعا استعنت بكتاب الدكتور علي علي علي الدكروري

الاتحاد الشوفونيري أصالة تبحث عن الحداثة

واللي بيأكد فيه ان أول ظهور للاتحاد الشوفونيري كان في عصر الديناصورات

وتحديدا في عهد الامبراطور تريناصور السابع عشر

وكان في بداية الأمر عبارة عن خلية سرية تهدف لتحرير البشر

ووضعهم على خريطة العالم

خصوصا بعد الاكتشاف المهم للشق - لقب زي رفيق كده - الشوفونيري التاسع والسبعين

وهو ماعرف بعد ذلك بالنار

وده كان المفجر الأول للفكرة لأنه مع ظهور السلاح الحديث بدل الحربة والسكينة

والكلام التافه ده

بقا ممكن للبشر تحقيق ثورتهم بشكل حقيقي

وفعلا بدأت الخلية في العمل بجد وتفاني منقطع النظير

وراح العديد من الشوفونيريين شهداء فداء للوطن الأم اللي كان ساعتها الكرة الأرضية

وانتشر المد الشوفونيري زي النار اللي بتسري في الهشيم

لحد ما قرر التريناصور العشرين - طبعا كان ال18 وال19 ماتوا - انه يواجه الموقف

فعمل حوالي 800 عملية اغتيال ناجحة ضد الشوفونيريين

مما دعا الشق الشوفونيري التمانين لاعلانها حرب غابات كان نصير البشر فيها

هو الشجر والنار و الماء

وفعلا تكبدت الديناصورات خسائر كتيرة جدا في هذه الحرب

وخلال دوران رحى المعارك أصدر مركز التنبؤات وقراية الودع التابع للاتحاد

بيان باحتمالية ثورة البراكين وحدوث زلازل تودي بكل من على البسيطة

وان المكان الوحيد اللي ممكن ينجو من غضب الطبيعة

هو عاصمة الثورة شوفونوريا العليا

وهو ما عرف في عصرنا الحالي بحي السيدة زينب مهد الجذور الانسانية

واتخذت فلول الشوفونيريين الهاربة من البراكين والزلازل من هذا المكان العريق مهرب لها

وتمركزت قيادة الجيش فيما يعرف حاليا بقلعة الكبش

وتمركزت القيادة تحت لواء الشق شوفونيري الأول رئيس الاتحاد بكهف تاز بلازا

وهو ما يعرف الآن بقصر الأمير طاز

وصمد الشعب الشوفونيري طويلا حتى انتهت الفترة الحرجة

وعاد السكون ليملأ وجه البسيطة

وخرج الشوفونيرون سعداء بانتصار ساندهم فيه القدربعد أن أفنى

الديناصورات عن بكرة أبيهم

********************

من هنا بدأت قرون الكفاح والنضال الشوفونيري

والتي سنستمر في الحديث عنها ان شاء الله

حتي يعلم الحاضر الغائب

أن الشوفونيريين عادوا من جديد

-----------------

نقلا عن اعظم مؤرخى التاريخ الشيفونيرى

عزوووووووووو